Reel

Nas nosas películas hai lugar para a poesía, así empezou todo, xogando a traducir versos en imaxes, buscando significados ocultos entre as liñas. Unha nova película é un novo universo no que rexen as súas propias normas, un poema que crea o seu propio abecedario, unha nova linguaxe nada do silencio. Xas Films é a nosa coartada, a tapadeira para continuar dándolle forma ao caos.

A Procesión das Xas é unha antiga lenda galega, unha procesión nocturna das almas dos vivos que dormen. As almas cargan un cadaleito e se tes a sorte de cruzarche con elas verasche a ti mesmo. Dependendo da distancia á que estea a túa alma do cadaleito na procesión, morrerás antes ou despois. A imaxe é sempre un espectro. Xas Films, fabricamos espectros.